స్టార్ మా టీవీలో ప్రసారమవుతున్న సీరియల్ 'కృష్ణ ముకుంద మురారి'. ఈ సీరియల్ గురువారం నాటి ఎపిసోడ్ -406 లో.. ముకుంద తను మారలేదన్న విషయం మురారికి చెప్తుంది. నీపై ప్రేమ మారదు. నువ్వు త్వరగా ఆదర్శ్ ని పంపించేయ్ ఆ కృష్ణ వచ్చిన దారినే వెళ్తుంది. అప్పుడు మనమిద్దరం ఒకటవుదామని ముకుంద సిగ్గు విడిచి మాట్లాడుతుంటే మురారి పట్టరాని కోపంతో ఊగిపోతాడు. ఏం మాట్లాడుతన్నావో నీకు అర్థం అవుతుందా? ఎందుకిలా చేస్తున్నావని మురారి అంటాడు. ఇప్పుడు నీ ముందు రెండే ఆప్షన్స్ ఉన్నాయి. ఒకటి ఆదర్శ్ ని సైలెంట్ గా ఇంట్లో నుండి పంపడం.. రెండవది నేనే గొడవ చేసి పంపిస్తాను అని ముకుంద అంటుంది. వాళ్ళ మాటలన్ని కృష్ణ వింటుంది. అసలు ముకుంద మారిందనుకున్న కానీ ఫుల్ క్లారిటీ వచ్చిందని కృష్ణ అనుకుంటుంది.

ఆ తర్వాత కృష్ణ ముకుంద మాటలు గుర్తుకు చేసుకుని అందులో నుండి డైవర్ట్ కావాలని చూస్తుంది. అప్పుడే రేవతి వచ్చి బ్రేక్ ఫాస్ట్ చేయకుండా ఏం చేస్తున్నావని అడుగుతుంది. ఈ రోజు ముకంద బ్రేక్ ఫాస్ట్ ప్రిపేర్ చేస్తుందని కృష్ణ చెప్తుంది. అప్పుడే మురారి కోపంగా మా ఆఫీస్ నుండి కాల్ వచ్చిందంటు వెళ్తుంటాడు. బ్రేక్ ఫాస్ట్ చేసి వెళ్ళు అని మురారితో రేవతి అంటుంది. ముకుంద చేసిన బ్రేక్ ఫాస్ట్ తింటే ఇంకేమైనా ఉందా అని మురారి అనుకుని వెళ్ళిపోతాడు. ఆ తర్వాత అందరు టిఫిన్ చేయడానికి వస్తారు. ముకుంద మాత్రం మురారి కోసం చూస్తుంది.

ఆ తర్వాత మురారి బయటకు వెళ్ళాడు నువ్వు చేసిన ఆనియన్ దోస వెయ్ అని రేవతి అంటుంది. దాంతో రేవతి, మధులకి ముకుంద టిఫిన్ పెట్టి ఆదర్శ్ కి మాత్రం పెట్టదు. ఇది నా మురారికి ఇష్టమైంది నీకు ఎలా పెడతానని‌ ముకుంద మనసులో అనుకుని.. నీకు ఇష్టమైంది వేరే చేస్తానని అంటుంది. మురారికి ఇష్టమైన టిఫిన్ కూడా ఆదర్శ్ కి పెట్టడం లేదు. వీళ్ళకి ఎప్పుడు అర్థం అవుతందో అని మధు అనుకుంటాడు. నా చేతి వంట ఓన్లీ మురారి కోసమే నీకు పనిమనిషితో చేయించి తీసుకొని వస్తానని ముకంద వెళ్తుంది. ఆ తర్వాత గోపి దగ్గరికి మురారి వెళ్లి ముకుంద గురించి చెప్తాడు. ఆ  తర్వాత కృష్ణ ఎదరుపడి నాకు అంతా తెలుసు.. ముకంద మీతో మాట్లాడడం నేను విన్నాను. దానికి మంచి ప్లాన్ ఆలోచించాలని కృష్ణ, మురారి ఇద్దరు రెస్టారెంట్ కి వెళ్తారు. ముకందకి ఎలా బుద్ది చెప్పాలా అని ఆలోచిస్తారు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.